講爺

上文提到阿爺落香港，呢個位停一停 講下我點認識我阿爺，我係唔知佢黑社會 我出世嗰陣我老豆已經熬緊老襯 我淨係奇怪點解成屋人除左上身衫都有咁多紋身 有兩單野我係細個唔明

第一單嗰時我阿爺都唔喺度喇 無端端有班差佬上嚟搜屋仲搜到支煙槍（好九唔答八） 問我屋企人點解有啲咁既野 關你撚事咩又唔係搜到龍頭棍 不過最後支野都係俾差佬收走左，唔知拎左去禁毒博物館定乜柒

第二單就係我阿嫲 佢要好早去果欄落貨，多數五點幾六點就由果欄去到茶樓 我細個已經覺得果欄好過癮，成日跟佢去 有次去到茶樓，上左二樓一張枱坐 飲左陣，有一個老鬼帶住兩個中坑黎到 同我阿嫲講：阿姐你坐錯位，你邊度架？ 點知我阿嫲講，我冧巴嘅，X 字堆X君個老婆，你識唔識？ 條老鬼就怯一怯，自己走開左 我就問阿嫲，咩叫做冧巴？ 阿嫲：學呢啲做咩呀？你又無入會，唔準講

我細個隱約會知，我阿爺阿嫲係屬於一個會 後來大個知道左好多野，一直都好想寫家族史 但發現我家族史咪就係我阿爺歷史，就係佢由廣州一條友落黎先開始到咁多故事 所以我決定出一本書...屌啦我無咁柒走嚟賣書 會繼續喺度講我阿爺嘅野 想睇就多啲轉發下同留下言